تعرف علي زياده شركه WE لسرعه الانترنت المنزلي
شركة WE غيرت كل باقات النت اجباري من 7/1 وبدايه دفع الباقات الجديدة من شهر9 وتعالي افهمك عملوا ايه؟؟؟؟..............................................
أقل باقه نت أرضي حاليا واللي الاغلب مشترك عليها هي (5120/1024) سرعه ٥ميجا+سعة تحميل ١٠٠جيجا(ودي طبعا سعه كبيره بالنسبه للسرعه دى ) ولو سعة التحميل خلصت السرعه بتقل ل ١ميجا ودي اشتراكها تقريبا = 125ج
حضرتك لو استعلمت عن باقتك او عندك تطبيق WE وشوفت البروفايل بتاعك هتلاقي باقتك كده (30720/2048) يعني سرعتك رفعت من 5 ل 30 ميجا وبسعه 140جيجا بنفس السعر لمده شهرين ومن الشهر التالت الاشتراك هيزيد 10ج بس
هتقولي طب ما ده حاجه جميله جدا وعرض كويس😍
هقولك طب انت مقتنع ان مفيس خوازيق !!؟ 😅
الخازوق الاول : لو انت من طنطا نفسها او من اي بلد حواليها احب اقولك ان الكابلات لسه نحاس مش فايبر واللي بقت فايبر لسه الخدمه مشتغلتش عليه وبالتالي مش هيوصلك سرعه أعلي من ٥ ميجا وبناء عليه ال ١٤٠جيجا دول انت مش محتاجهم اصلا ال ١٠٠ كفايه
هتقولي طب انا مش من طنطا وعند فايبر !!؟ 😜
هقولك تعالي ياجميل 😁
انت لو الخطوط عندك فايبر والسرعه واصلالك ٣٠ ميجا فعلا ال١٤٠جيجا سعة التحميل دي هتخلص منك في أقل من أسبوع وهتضطر تشترى سعة اضافيه بفلوس تاني غير الاشتراك
هتقولي مش هشترى وهكمل اخر شهر كده لحد الباقه ماتتجدد 🤪
حيث كده بقي نيجي للخازوق التاني 😂
احب اقولك ان ال ١٤٠جيجا دول اول ما هيخلصوا سرعتك هتنزل تلقائي من 30ميجا (30720/2048) الي ٠.٢٥ ميجا (٢٥٦كيلو بت) اللي هي تفتح الفيس بوك وتناملك ساعتين علي مايفتح 😂
والموضوع ده بالذات محدش من المبيعات هيقولك عليه نهااائي لانه ببساطه شديده العرض ده مايسمي بالخازوق المغرى 😅
فانت كل اللي عليك تتصل بيهم وتلغي العرض ده قبل مايعدي عليه شهرين لان بعد كده مش هتعرف تحول منه
انا عرفت الموضوع ده بالصدفه من Deif وبجربه عندي لقيته بجد ولغيته
منقول للامانة والإفادة ياريت كل الناس تلغي النظام ده لانه بجد هيضرك فيما بعد ....
تعليقات
إرسال تعليق